ළමයි සියලු දෙනා අවධානයෙන් ගුරුතුමිය පවසන දේවල් අසා සිටියහ
ගුරුතුමිය :-ගමෙන් ගමට ගමේ රජකාරිය වෙනස් වෙනවා.පොදුවෙ ගත්තම කෙරෙන දේවල් ගැන අදහසක් කියන්නම්.ගමේ රජකාරිය කියන්නෙ අයියනායක්,කතරගම,ගම්බාර දෙවියන් උදෙසා දෙන දානම පුන්ය කර්මයකි.ඉතින් එකෙන් ගම්මු බලපොරොත්තු වෙන්නෙ නිසි කලට වර්ෂාව ලැබිලා,කෙත්වතු සාරවත්වෙලා,ගමේ ජීවත් වෙන සියලු දෙනාගේ රොග පීඩා දුරුවෙන්න කියල ආශීර්වාද ලබා ගන්නයි.ඒ වගේම තමයි සතුරු විපත්වලින් මුදවා ගන්නටත්,ගමේ වැව් ආරක්ෂා කරගන්නත්,කෙත්වතු වන සතුන්ගෙන් රැක ගැනීමටත් ගමේ රාජකාරිය කරනවා.ඔයලට දෙන් එක ගෙන අවබෝධයක් ලැබෙන්න ඇතිනෙ.ගමේ වැඩිහිටියන්ගෙ අහලා තොරතුරු එකතු කරල වැඩෙ කරගන්න එහෙනම්
ළමයි :-හොදයි මිස්
පාසල් කාලය අවසන් විය.සියලු දෙනා තම තමන්ගේ නිවෙස්වලට පිටත් වීමට සැරසුනි
මදුරි :-නෙතූ...
මම :-කියන්න මදුරි
මදුරි :-අපි දෙන්නා එකතුවෙලා මේ අගයීම කරමුද?අපි එකම ගමේනේ
මම :-එකත් අත්ත තමයි..හොදයි එහෙනම් අද හවස්වෙලා ඔයා අපෙ ගෙදර එන්න අපි යමු ඒබරන් අත්තා හම්බවෙලා එ ගැන තොරතුරු අහගමු.
මදුරි :-හා එහෙනම් මම ඉක්මනට ගෙදර ගිහින් එන්නම්.ඔයත් ලෙහෙස්තිවෙල ඉන්න
හවස මමත් මදුරිත් ඒබරන් අත්තාගේ නිවස වෙත ගමන් කලෙමු.අපි එහි යන විට අත්ත බුලුත් වංගෙඩියෙන් බුලත් කොටමින් සිටියේය.ඔහු තම ඇස් හීනි කරමින් අපි දෙස බලා සිටියේ අපිව අදුරා ගැනීමට අපහසු නිසාවෙනි.
මදුරි :-ඒබරන් අත්තේ මේ අපි
අත්තා :-ඒකනෙ කෙල්ලේ මමත් මෙ බෙකුවෙ කවුදා කියලා මේ අපෙ රංබන්ඩගෙයි සිරිපාලගෙයි කෙල්ලො දෙන්න නොවැ
මම :-ඔව් අත්තේ අපි මේ අවෙ අත්තගෙන් තොරතුරු ටිකක් අහගන්න කියල
මදුරි :-අත්තේ අපිට ස්කෝලෙන් ගමේ රජකාරිය ගැන තොරතුරු හොයගන එන්න කිවුවා
අත්තා :-අපෙ අප්පොච්චාගෙත් අප්පොච්චාගේ කාලෙ ඉදන් මම ඔය කාරිය කොරන්න ගිහින් තියෙනව.ඕක ගෙන මම තරම් දන්න කෙනෙක් මේ ගම් තුලානෙවත් නැතුව අති
ඒබරන් අත්තා මහත් උජාරුවෙන් පවසන ලදි
මම :-ඒකනේ අත්තේ අපි අත්තා ළඟට ම අවේ අහගන්න
අත්තා:-එහෙනම් කෙල්ලනෙ අහගනිල්ලකො ඕකේ අලගිය මුලගිය තැන්
අත්තා කතාව කීමට සැරසුනේය..මමත් මදුරිත් හනිකට කොලයක් සහ පේනක් ගෙන තොරතුරු සටහන් කර ගැනීමට සූදානම් විය.
අත්තා :-ඉස්සරෝම ගමේ දෙවියන් වදින්න සුදුසු දිනයක් නියම කොර ගන්න ඕන.ඒකට ගමෙ ඉන්න වැඩිහිටි මං වගේ උදවිය කිපදෙනෙක් එකතුවෙලා ගමේ රජකාරිය ඉෂ්ඨ කොරන කපුමහත්තයට බුලත් දීලා ආරාධනා කොරනවා.මේ
නියම කරගත්ත දවසෙ ඉදල එක කොරල අහවර වෙනකන් ගමේ කොහෙවත් කැවුම් හදන්න පිටි කොටන්න තහනම්
මදුරී :-ආ එක තමයි අත්තේ අපෙ කිරිඅම්මත්
ක් ඔහොම දෙයක් කිවුව මතකෛ මට
අත්තා :-ඔව් ඔව් උබලගේ කිරිඅම්මත් එ දවස්වල ඕවට ආව උදව් පදව් කොරන්න.ඉතින් අහගනිල්ලකො ඉතුරු ටිකත්.දෙන් ඔය කෙම්මුරර දවස තියෙනවනේ එදාට කලින් එන සිකුරාදා දවසෙ ගමේ වැඩිහිටියො එකතුවෙලා කපුමහත්තයවයි දෙවියන් උදෙසා පුජා කරන ආභරනයි පෙරහරකින් අපේ ගමට එක්කන් එනවා
ඒබරන් අත්තා නැවත්තත් වංගෙඩිය ගෙන බුලත් කොටන්නට පටන් ගත්තේය.මද වෙලාවකින් අත්ත කතාව කීමට පටන් ගත්තේය.
අත්තා :-ඊට පස්සෙ ගමේ උදවිය එකතුවෙලා අර කැන්දන් ආව කපුමත්තයයි ආභරෛ පෙරහැරකින් දෙවියන් උදෙසා සකස් කොරපු මණ්ඩපයක අර ආභරන තැම්පත් කරනවා.උබල දන්නවද ඒ මණ්ඩපය හදන්න බුලත් පන්සීයක්,පුවක් පන්සීයක්,මල්,පඩුරු ඔක්කොම එකතු කරල ලස්සනට සකස් කොරනව
අත්තාගේ කතාව අතරතුරේදී එතනහාමි කිරිඅම්ම විසින් සාදා ගත් බෙලිමල් වතුර ටිකක් අපිට ගෙනවිත් දුන්නාය.ඇයද ඉස්තෝප්පුවෙම කොනක ඉද ගත්තාය.අත්තා නැවත්ත් කතව ආරම්භ කලේය.
අත්තා :-රැ 12ට විතර කපුමහත්තයා අර ආබරන පෙට්ටියත් අරගන ගමේ ප්රධාන වැව ළඟට ගිහින් කලින් වගෙන මණ්ඩපයක් සකස් කොරල එතන තෙම්පත් කරනව.පස්සෙ දෙවියන් වෙනුවෙන් ගොටු භාර දීල වැවේ ගහක මුට්ටිය නමල දෙවියන්ට වැව භාර දෙනව.උබලට තේරෙනවා නෙද මම කියන එව්වා?
මම :-ඔව් අත්තෙ අපිට හොදට තෙරුනා
එතනහාමි :-එහෙනම් ලොකුතැන ඉතුරු ටිකත් මෙ දැරිවියොන්ට කියල දුන්නන්ම් හොදා නේද දෙන් රෙත් බෝවේගන එනවා
අත්තා :-එකත් හැබෑව
මදුරි :-එහෙනම් අත්තෙ ඉතුරු ටිකත් කියන්නකො
අත්තා :-අරෙව්වගෙන් පස්සෙ ගම්මු කපු මහත්තයව අයෙත් කලින් තිබුන මණ්ඩපය ළඟට කැදවන් යනව.අර මණ්ඩපය අයෙත් අලුත් කරනව දවල් 12 විතර වෙනකන් යාග හෝම පවත්තනවා.එ අතරතුරේදී ගමෙ කන්තාවො එකතුවෙලා දානයක් පිලියෙල කරනව.අන්න එ වගෙ ඩවසක තමෛ මයෙ එතන හාමි මට හදි ගැහුනෙත්...
මුවහි මද සිනවක් රදවා ගනිමින් අත්තා එතනහාමි දෙස බැලුවේය.ඇය ලෙජ්ජවෙන් මෙන් ඉවත බලා ගත්තාය
එතනහාමි :-ඔය දෙරිවියොන්ට එවයේ වගතුග ඕනැන්නෙ නෑනේ..ඕන කරුණු කියල දුන්නම ඇති
අත්තා :-අහගනිල්ලකො දැන් තමයි හොදම කොටහ වෙන්නෙ.දානෙට ඕනේ කරන දෙවල් උපයා සපයා ගන්නෙ ගමේ අයම වගා කරල විකුනල ගත්ත ආදායමෙනුයි කුඹුරුවලින් ගත්තු හාල්වලිනුයි.ඒ දානෙට කියන්නෙ මුරුතැන් දානේ කියල.ඒ දානෙන් ගොටු හදල දෙවියන් වෙනුවෙන් පුජා කරනවා
එහනහාමි :-ඊට පස්සෙ අර උයපු දානේ කපුමහත්තය ගමේ ඔක්කොටම බෙදල දෙනව.කැවුම්,කොකිස් වගෙ ජාතිත් එතන තියෙනව
අත්තා :-ඔව් දරුවනේ එ අහාර ගත්ත්ට පස්සෙ ගම්මු එකතුවෙල කපුමහත්තයාට තෑගි බෝග දෙනව..එතනින් ගමෙ රාජකාරිය අහවරයි
මදුරි :-එතකොට අත්තේ හෙම අවුරුද්දෙම එක තියෙනවද?
අත්තා :-නැ නැ මයෙ පුතේ..අවුරුදු තුනකට සැරයක් තමයි ඒ කාරිය කොරන්නෙ
මම :-ඊලගට තියෙන දවසට මමත් යනව කිරිඅම්මත් එක්ක එක බලන්න
මදුරි :-ඔව් නෙතූ මමත් අම්මලත් එක්ක එනව එදාට
එතනහාමි :-අදිරි වැටීගෙන එන්නෙ දරුවනේ.සතා සිව්පාව එලිබහින්න කලියෙන් ගෙවල්වලට ගියනම් හොදයි නෙද?
මදුරි :-ඔව් කිරිඅම්මෙ අපි මෙ යන්න කියල ලෙස්ති වුනේ
මම :-එහෙනම් අත්තෙ අපි ගිහින් එන්නම්.ගමෙ රජකාරිය ගැන අපිඅට හොදට තෙරුම් කරල දුන්නට අත්තටෛ කිරිඅම්මටයි ගොඩක් පින්
අත්තා :-ඕක මොකද්ද කෙල්ලනේ අපෙන් පස්සෙ පරම්පරාවට ඕවා කියල දෙන එක අපේ වගකීමක් නොවැ
මම :-අපි ගිහින් එන්නම් අත්තේ.ආයෙත් දවසක එන්නම්කො අත්තල බලලා යන්න
මමත් මදුරිත් අත්තටත් කිරිඅම්මටත් වැද සමු දී නිවසට පිටත් වුනෙමු
ත්තා :-රත්නත්තරේ පිහිටයි උබල දෙන්නට
දෙදෙනාගෙම අශිර්වද අතුව අපි පිටත් වුනෙමු..ඇගෑමට අවශ්ය කරන තොරතුරු ලැබුනු නිස ඉක්මනින් එය සකස් කොට ගුරුතුමියට භාර දීමට අප දෙදෙනා කතා වුනෙමු..
(මෙහි එන නම් මනඃකල්පිත ඒවා වේ.මෙය සකස් කිරීමට අවශ්ය කරන තොරතුරු සැපයූවෙ එච්.එම්.දිසනායක මහතා විසිනි)
H.M.C.J. Gunathilaka
HS/2015/0295
